TEMPALAI KENANG: Bup '<b>Sempama Jaku Iban</b>' benung dijual - SketsaIban |
| TEMPALAI KENANG: Bup '<b>Sempama Jaku Iban</b>' benung dijual Posted: 10 Sep 2010 06:50 PM PDT  Bisi siti bup dikarang dalam jaku Iban mujur digaga sereta baru dikeluarka ngambika tau dikena raban nembiak sekula ti belajar ba sekula sekondri enggau palan pelajar tinggi baka Institut Pematih Pengajar enggau universiti.Bup 'Sempama Jaku Iban' tu dikarang siku ari raban Gerempung Pengarang Jaku Iban Sarawak (SIWA),Casper Kayong Umping. Bup 'Sempama Jaku Iban' nya ditulis belalauka mayuh macham penyanding penemu sepengalama lebih ari 30 taun ke udah. Sekumbang ke gawa ba Stesen Radio (RTM) penulis tu suah betemu enggau orang-orang tuai ba menua pesisir lebuh ti bejalaika pengawa. Maya nya mih iya betanya ngagai sida senentang enggau jaku sempama sereta entelah ba jaku Iban. Casper madahka naka kediatu, iya udah nyimpan 10,000 iti entelah sereta bisi 354 iti sempama jaku ti udah digumpul iya dalam timpuh 30 taun. Ba penemu iya, bup 'Sempama Jaku Iban' ke udah dikeluarka nya beguna bendar ngagai bala nembiak ba palan pelajar tinggi baka universiti Perguruan Sultan Idris (UPSI) Perak ke bisi ngatur program kus belajar Jaku Iban. Kelimpah ari nya, entara kebuah iya ngarang bup nya, iya nya kena nyaut peminta Presiden Gerempung Pemansang Pelajar Jaku Iban (AEDIL) ke minta raban pengarang tauka penulis Iban ngaga bup penyanding penemu dalam jaku Iban laban bup ari jaku bansa Iban nadai mayuh ditulis sereta dijual. Kelimpah ari nya mega iya chukup rinduka jaku diri lalu ngaga siti bup ti udah digumpul aku sepengalama 30 taun ngambi ulih dibacha sereta nyadika penyanding penemu nembiak rebak baru. Bup 'Sempama Jaku Iban' nya bisi ngembuan 200 lambar lalu bisi 460 iti bansa sempama jaku dikeluarka SIWA sereta bisi dijual ba pasar (kedai bup) ba serata menua tu berega RM25 setiap siti. (Diambi sereta dibali ari:http://www.theborneopost.com/ September 5, 2010, Sunday)  |
| You are subscribed to email updates from SEMPAMA Jako Iban - Google Blog Search To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
0 comments:
Post a Comment